اختيار المدرسين فى تالتة ثانوى

نور القمر كتب:بسم الله الرحمن الرحيم
انا اولا عايزة اهنى كل الناس على الثورة والتغيير وبمناسبة التغيير عايزة اقترح اقتراح وياريت تقولولى رايكوا بصراحة انااقترحته على الشيخ صلاح و الاساتذة اللى كانوا فى الاجتماع مع تانية ثانوى وهو ان احنا طلبة تانية ثانوى بس لان الموضوع دة مش هينفع يتنفذ فى كل الصفوف نختار المدرسين اللى هيدونا ان شاء الله السنة الجاية ودة علشان احنا اكتر ناس عارفين مين المدرس اللى بنفهم منه كويس و بيوصلنا المعلومة احسن وبالطريقة دى نسبة الغياب هتقل فى تالتة ثانوى وناس كتيرهتستغنى عن الدروس ودة علشان احنا اللى اختارنا
فياريت ادارة المعهد تدينا المساحة دى من الحرية ودى تبقى بداية ان شاء الله للارتقاء بمستوى التعليم

نور القمر كتب:طيب ممكن حضرتك يا مستر تناقشنا و توضحلنا اسباب رفضك

نور القمر كتب:فعلا الكلام دة مش بيقلل من قدر المدرسين لا طبعا مع احترامى ليهم جميعا لكن فى مدرس بيبقى فى تواصل بينه وبين الطلاب فبيكون فى استجابة اكبر
واحنا طبعا عارفين انه لازم نحاول نجيب المعلومة بنفسنا دة فعلا بيحصل مش بنكتفى بالمدرسة فقط
ولكن علشان يبقى فى تقدم علمى لازم اول حاجة يكون فى المعلم الصالح المجتهد اللى يقدر ينهض بينا يوصلنا المعلومة بصدق فيكون فى اساس سليم نكمل عليه بعد كدة و نبحث عنه
مش معنى ان فى اكثر من وسيلة للبحث ان المدرس يقعد فى الفصل ميقولش حاجة يبقى فين دور المدرس و قتها
المدرس دوره انه يعطينا البداية اساس المعلومة واحنا نكمل عليه
بس هو دة كل قصدنا مش حكاية تمرد وتبادل ادوار لا خالص
واللى فهمناه من الثورة انه لازم يكون لينا دور فى المشاركة الاجتماعية
وبقول تانى دة مش معناه التقليل من شان المدرسين كلهم افاضل واحنا بنحترمهم جدا